我的九小時

心情低落得很, 我想我真的忍受不了.

九小時：
大概頭兩小時檢閱了所有電郵及做了必須做的事；　　
然後 MSN + Facebook + 其他電郵用了四小時；　　
有點餓買了個熱香餅早餐十五分鐘吃完全程大概一小時；　
再認真做了一定要做的另一堆無聊事又一小時；
餘下一小時打了以上的字還有三十分鐘；

等．．．

Joke of ISian

所有 ISian 看完下面的段段戲謔, 都會哈哈大笑吧 ~

背景１：JY, BN 同 EN 係最忙碌的 Duty Sup位閑談

SC 從自己的partition走出來說：＂啊，點解好似好熱咁，你地熄左冷氣啊?"
JY 抬頭大聲說：＂無啊．係唔係無budget到冷氣費啊？＂


背景２：EN 攞住包泰國手信林珍香同 JY 研究緊 ，SC 又出黎買魚頭啦，兩人敷衍幾句之後，準備拎返入Duty Sup位再同 BN 聊過

SC 突然話：啊，俾我試返粒先
JY 指住呆左一呆的 EN 講：哪 ～ 你咁咪無得升囉
EN 恍然大悟：喔．．．原來係咁！！！


背景３：隔離房的Manager同EN講，今日JY教左佢"唔好知咁多野". 一輪熱烈的討論後，大家都豁然開朗，奉之為至理名言

BN 收工同 EN 講：單野你知發生咩事啦？！咁我走啦．
EN 望望已收拾好行裝的 BN ，認真地說：JY 話唔好知咁多野喔．．．（其時，SC應該忙於撥緊電話俾陳師傅）

七月風雲

七月, 收信...係bonus同嘉仁宮信.

和預期差別不大, 老土講句從未有過期望, 何來失望.

BN好勞氣，覺得這是不被認同．看他的post，我發現原來可以照抄：

"一年來的非人生活換來的竟然一封咁樣的加人工同Bouns信。想起由一年前WF的離去，當時小妹要一力撑起成兩個Team(比BN好的是我有RC做後盾＆一班阿姐的支緩）事無大小全部都關我事，Roster，Statistics，Report，Budget，DataCircuit，CIT Disposal，GUI of lots stuff，UAT ...當時忙到連自己要做啲乜都唔記得。直到新同事來到你要做Training。半年後佢仲會問返你點解有咁多OT，其實當時好想反問佢：點解半年前的OT你到依家仲末補返俾我，你仲要我解譯，你Short左呀！"　

大概每一位在我們部門做多過一年的同事都可以抄一份屬於自己的版本，而內容可以大同小異．所以我們都說要改變的一早就改了，留下來比離去需要更大的勇氣．

我, 原來已經在這個煉獄活過了三年...我的勇氣將近耗盡．這個密謀的七月，要起風雲嗎？

六月．燭光

踏入六月，迎接回歸十週年慶祝的前奏月。香港同中央都賣力地營造出父子同心，互惠互利，歌舞昇平的一個太平盛世。偏偏89年有六四民運，07年有馬力言論，於是支聯會於維園舉行的燭光悼念集會比上年多左萬幾人。

面對六四，不覺堂堂中國政府會認錯。只是覺得歷史可以借鑑，我們，我們的下一代都應該知道事實，從中反省。可是歷史是什麼？西方有說：History is written by the victor. 中國政府不就是這個勝利者嗎？在國民教育上軟硬兼施，中國人從小就學思想政治，從來看不到政治『不真確』的新聞報導，歷史慢慢會變成野史。

香港人比較幸運，我們現在每天享有的就不是每一個同胞都可有的，他們不可以公開悼念六四死難者，他們看的無線新聞比我們慢幾秒，甚或會突然切換到廣告時間。。。 日日遊走YouTube的香港人，現在毫不費力就找到六四當年的新聞報導。怕嗎？數年後我們也許只會找到燭光悼念集會的紀錄，再然後再沒有六四。。。我怕極了，因為吳邦國話：＂特區權力全來自中央 。中央授予香港特別行政區多少權，特別行政區就有多少權，沒有明確的，根據基本法第二十條的規定，中央還可以授予，不存在所謂的『剩餘權力』問題。＂嗯，聽起來還真有親切感，三歲時。。。阿媽都咁講過。但如今，我長大了。。。

五月...愛回家

生活最近是工作回家再工作再回家，每天都留戀家中的大床，伴著藍天白雲入眠。

我家的天。樹。花 。草。橋
　　
　　

　


回家的路




上班的路



Bonus: 很喜歡這個廣告, Sense of Sex.

四月精華....悠

四月，係花開的日子。
而碌碌庸流之輩（即係我），見識唔到羅平的金黃花海，青森的櫻吹雪，安娜保羅娜的花之馬賽克。。。

唯有->-->--->

坐360上海拔二千三百三十餘的寶蓮寺．觀花．悟禪．啟迪心靈













----------------------------------------------------------------

夜遊於環抱大埔的天橋上．看英雄花的傲姿




----------------------------------------------------------------

地道菜館．嘗風味小炒





----------------------------------------------------------------

日本．試料理






----------------------------------------------------------------

One Peking Road ．Aqua Spirit




----------------------------------------------------------------

土耳其．嘆Kebab

東寶小館

又幾好味喔~

是日菜單：

黃金蝦　$150 十只
風沙雞　$80 半只
蒜蓉蒸鱔　$xx
炒時菜　$xx
鴨煲河粉底　$xx
姜汁番薯糖水　$0












--------------------------------------------------------

Pizza Hut 二人餐

KC 從東莞回來，我突發奇想，不如叫外賣，
Pizza都唔錯，於是同KC說 order個二人餐。
我上網落order，以為好In好勁，
結果我搞左二十分鐘，其實打個電話只係五分鐘。。。

KC: 點解你覺得呢個係二人餐？
EN: 。。。因為得兩個湯。。。

是日餐單：
火熱超級夏威夷三重芝心批（大批）
田園沙律
意式雞皇意粉
辣黃金小食拼盆
秘制雞膇
忌廉雞湯 x 2

兩個人吃，好似係多左Ｄ。。。
好快，飲完個湯吃左一塊Pizza，就有左以上果段對話。。。

Very "Jeremy"

今日係部門例會， 一如以往， 悶到發慌。。。但今次幾齊人，雖然超過一半都係將走同想走未走的人。老闆仲要同呢班人講業績。。。呢個product點點點，果個Channel要加把勁。。。唉，要加把勁的會唔會係Ｄ管理層呢？人都留唔住，講咩目標啊？！

開左兩個鐘。。。只係知好眼訓，於是周圍望。嘩，隔離寫minutes的KChan。。。點解得個一頁？正確講係半張A4紙，係就係個個一句起兩句止，但佢兩句當半句，點先可以將呢半頁的內容變成５頁的minutes???雖然份野無咩人睇。。。。

咦咦咦，做咩兩個將走的人眉來眼去？我miss左咩？！喔。。。SC講野，話說呢位同事好欣賞呢個會，仲話最好個會monthly改weekly。（Touch wood! 唔好亂黎，係都等我走左先啦~)　其實SC為人無咩，就係太British, 雖然未至於係mr. Bean。佢正好詳盡咁講緊個Project　Status。。。　但，有無搞錯！咁鬼長氣，KChan都係寫左兩行？！

唉，終於開完。係洗手間，CL都忍唔住，講："如果Jeremy=Over, 咁SC = Very Over"，
"係啊，即係 'Very Jeremy' 囉"

－－－－－－－－－－－－－－－－－－－－－－

金句

背景：係時代搵緊FotoMax，搵唔到 (梗係啦，人地搬左啦)

EN: 唔係喔，無左啦，變左donut啦
BN: 唔係，係果邊End
EN: 唔係。係呢邊
SC: Used to 呢邊，但搬左過果邊End

於是。。。梗係無啦

EN:。。。
SC: 不如問下水牌啦
EN: 你會唔會係想講 '睇下水牌，問下姐姐'
BN: 佢就係想 '睇下姐姐'，所以要 '問下水牌'
EN: (恍然大悟)。。。哦。。。

重慶雞公煲

金句

背景: 談論公司是是非非的一團人

JY: 呢D謎就係"愛得太遲"囉
SW: ... 嗯 ...完得啦,呢個結論好Jeremy!
CL: 咦, "Jeremy" 已經變左形容詞啦?!

所以, 如果有人好Over, 你可以話"嘩, 你好Jeremy啊". :P

-----------------------------------------------------------------

重慶雞公煲

辣辣地, 好好味. 不過飲左一罐可樂, 仲係好口渴.




哈哈蝦煲

哈哈哈下面有炸得香脆的薯條 & 青瓜，
Ｄ哈哈脆到可以成只吃。。懶人最鐘意。。




呢個係Lala雞煲

嘩，好油啊！吃左兩件雞只碗底就有一層油。。
但亦因為咁。。。超級好味。。
係GC辣到眼痛兼且吃唔落的時候，係咁吃係咁吃。。。
掂啊　～

之後, 吃晒D食送仲可以加湯打邊爐,
一班邊爐黨。。。好開心。。

是日晚飯，仲見到好耐好耐無見的靓女TAY同NC。
是日晚飯，令要Keep Fat的人好成功。 。
是日晚飯，八左好多野，唔怪得Ｄ人成日咁八。。。
是日晚飯，不能盡錄。。。。

哎呀，是日晚餐仲有近排搞Anti-EN活動的BN。。。。。

三月做咩好

三月,無公眾假期,天氣忽冷忽熱,做咩好呢?

CL 話係等四月有假的日子。。。
JC 話係減肥的時候。。。

KC 話係行山的日子。。。
JL 話生意淡季，係計畫旅行的時候。。。

EN 話三月過左一半先問，咩時候啊。。。

向世界出發 - 柬埔寨, 以愛回家

由謝霆鋒口中道來:

"十六歲入娛樂圈, 放棄的不止是學業, 還有自己的自由. "

"我要觀眾看到電視機上的謝霆鋒同現實中的我一樣"

敢作敢為, 又有幾多人做到? 突然, 同事JY的聲音又響起"你地點解唔講者?你地出聲先得架", "點解你地唔Say 'No'呢"...嗯, 想起他七情上面的說詞, 實在忍俊不禁.

其實不是不說, 只是說了要有成效才行. 未必有成效的說話, 等我走的時候就說. 敢言, 不是不好, 是我還不到那個位置.

決定搬家了

從Spaces搬到Blogspot.

給Capriccio@Spaces拍了張照片, 可是卻不能post上來, 原因不明.

很抱歉，我們無法完成您的要求。
向「Blogger 支援」回報這項錯誤或在「Blogger 說明論壇」上回報錯誤時，請：
請說明您正在做什麼動作而收到這個錯誤訊息。
請提供下列「錯誤代碼」及「其他資訊」。
bX-gcdngf
其他資訊
blogID: 7418573828892498061uri: /upload-image.dohost: www2.blogger.com
這項資訊將能協助我們追蹤您的特定問題並修復它！ 很抱歉造成您的不便。

那我搬過來幹什麼?

想不到, 第一篇post是投訴.

氣~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~








終於把照片放上來了,
呵呵呵.